Министерот за надворешни работи на Чешката Република Јан Липавски (Липавски) остро одговори на коментарите на неговиот руски колега Сергеј Лавров по објавувањето на интервјуто со чешкиот претседател Петер Павел.
По твитот на Павел во вторникот, во кој тој напиша дека „Кина нема причина да ја игра улогата на миротворец“ и дека „им е од корист да го ослабат Западот“, Лавров подоцна рече дека таквите зборови не се соодветни за „нормален политички претставник“.
Лавров е „кловн“, напиша подоцна на Твитер Липевски, чешкиот колега на Лавров. Русија е терористичка држава, а нејзините лидери се пред меѓународен трибунал, додаде тој.
Реагираше и Павел, кој во средата рече дека руските власти често прибегнуваат кон лаги и дека е бесмислено да се коментираат зборовите на Лавров, пренесе Чешкото радио.
Чешка веќе долго време е во расправија со Русија, а исклучок е поранешниот претседател и голем пријател на претседателот Владимир Путин, Милош Земан. Но, од почетокот на војната во Украина, сите високи државни лидери застанаа на страната на земјата разурната од војна.
Чешката Република сега ја воведе својата листа на санкции.
– Патријархот Кирил е на списокот на санкции токму затоа што религијата не може да се користи за да се оправдаат злосторствата извршени од руски војници во Украина – напиша во средата Липевски на Твитер, пренесува денеска ЕурАктив.
