Американскиот претседател Џо Бајден го нарече „одвратно“ пукањето што се случи вчера во Нешвил, велејќи дека оруженото насилство ја „кине душата“ на Соединетите држави.
– Тоа е само одвратно. Тоа ја кине душата на нашата нација, рече тој, пофалувајќи ја брзата акција на полицијата и повторно повикувајќи го Конгресот да го забрани автоматското оружје.
Бајден не одржа посебен говор за случајот, но го спомна на почетокот на конференцијата за женско претприемништво во Белата куќа.
– Повторно дојде време повеќе да напредуваме во регулирањето на огненото оружје – рече Бајден, а потоа продолжи со повесел тон, пофалувајќи го отворањето компании и жени претприемачи.
Неговите повици за забрана на автоматско оружје веројатно нема да вродат со плод бидејќи републиканците, кои го контролираат Претставничкиот дом, се жестоко против, а моќното лоби за оружје НРА води жестока кампања против таквата одлука.
САД ги забранија автоматските пушки од 1994 до 2004 година.