Најмалку 20 лица загинаа во пожар што избувна синоќа во нерегистриран илегален дом за стари лица во сибирскиот град Кемерово, пишува Би-би-си.
Според одговорното лице за противпожарна заштита, уништен е целиот втор кат од дрвената зграда во која живеат 20-тина станари. Првичните информации укажуваат дека причината може да е неисправен котел за греење. На терен се испратени десетици пожарникари, а пожарот е изгаснат во раните утрински часови.
In the #Russian city of #Kemerovo, at least 11 people died as a result of a fire in an illegal nursing home.
The area of the fire is 180 square meters, it has been assigned an increased rank of complexity. pic.twitter.com/KIGIcIfUxE
— NEXTA (@nexta_tv) December 23, 2022
Многу домови за стари лица низ Русија работат без регистрација и не можат да бидат проверени бидејќи официјално се сметаат за приватна сопственост. Гувернерот на регионот рече дека надлежните ќе ги прегледаат сите слични објекти. Покрената е истрага.