Војската на Србија денеска соопшти дека соборила беспилотно летало на поширокото подрачје на Копаоник.
Денеска во попладневните часови, по навремено откривање и следење, единиците на Војската на Србија неутрализираа комерцијален дрон кој се движеше од правец на Копаоник кон Рашка.
– Беспилотното летало е соборено со употреба на мерки за електронско заглавување, во непосредна близина на воените објекти во гарнизонот Рашка – соопштија од српската војска и додаваат.
– Согласно наредбата на претседателот на Републиката и врховен командант на вооружените сили на Србија, Александар Вучиќ, вооружените сили на Србија преземаат засилени мерки за откривање, следење и неутрализирање на беспилотни летала во близина на воени објекти.
Војската на Србија ќе продолжи, согласно наредбата на врховниот командант и претседателот на Републиката, да ги соборува сите беспилотни летала пронајдени во зоната на забранети летови и во близина на воените објекти.
