Во понеделникот Риши Сунак стана најмладиот британски премиер во историјата, а воедно и првиот со темна кожа назначен на оваа позиција.
Еден од најбогатите политичари во Вестминстер дојде на чело на реформаторите откако Лиз Трас поднесе оставка минатата недела, а поранешниот премиер Борис Џонсон одлучи да се повлече од трката за прв човек на Конзервативната партија.
Сунак е роден во Саутемптон на 12 мај 1980 година. Тој е син на индиски имигранти, лекари и фармацевти, кои со години живееле во Африка, по што се преселиле во Англија. Татко му Јасвир Сунак е роден во колонијата и протекторат Кенија. Мајка ну Уша Сунак е родена во Тангањика (која подоцна стана дел од Танзанија).
Британските медиуми и неговите политички противници го прикажуваат Сунак како богато момче од елитните училишта, кое е привилегирано и без контакт со работничката класа.
Меѓутоа, фактите од неговото минато говорат поинаку. Додека го посетувал колеџот „Винчестер“, Сунак бил келнер во индиски ресторан во Саутемптон користејќи ја заработката за да си ја плати школарината.
Училишните денови на Сунак во релативно скапиот колеџ беа широко пријавени. Тој еднаш ја опиша огромната финансиска жртва што ја направија неговите родители за да го испратат таму и како му било непријатно што морал да носи половна униформа поради што често го исмеваа другите студенти. Но, тој бил примерен студент и дипломирал како еден од најдобрите студенти на својата генерација.
Единствената анегдота што луѓето ја имаат за него за време на студиите е дека тој шверцувал пренослив телевизор со сомнително потекло за да не ги пропушти натпреварите на Европското фудбалско првенство во 1996 година.
По завршувањето на некои од најпрестижните приватни училишта, а пред да влезе во политиката, работел во „Голдман Сакс“. Според британските медиуми, тој работел три години во инвестициска банка како аналитичар. Сунак потоа ја напуштил Велика Британија за да работи во американскиот фонд наречен Theleme Partners.
За време на посетата на основното училиште во Нортателтон во 2016 година, тој им кажал на децата таму дека неговиот најголем детски сон бил да стане витез на Џедај. Неговата љубов кон серијата „Војна на ѕвездите“ останува до ден-денес, а омиленото продолжение му е „Империјата го возвраќа ударот“.
Можеби еден од најпознатите факти од неговиот приватен живот е дека е оженет со ќерката на еден од најбогатите луѓе во Индија, Акшат Мурти.
