Унгарската влада не го прифати предлогот на ЕУ за формирање мисија за обука на 15.000 украински војници на територијата на Европската унија.
Тоа би довело до опасност од ескалација на војната во Украина, изјави во понеделникот во Луксембург унгарскиот премиер Петер Сијарто.
Сијарто рече дека, во согласност со законот, не учествувал на гласањето на денешниот министерски состанок во Луксембург и дека бил единствениот претставник на земја-членка на ЕУ што го направил тоа, пренесува МТИ.
Министрите за надворешни работи на ЕУ во Луксембург го одобрија почетокот на мисијата ЕУМАМ Украина за обука на 15.000 украински војници на територијата на ЕУ и ѝ доделија на Украина нови 500 милиони евра за купување оружје.
Сијарто истакна дека неговото отсуство за време на гласањето не ги спречи министрите за надворешни работи на Унијата да го усвојат предлогот, но дека Унгарија не сака да придонесе во финансирањето на операцијата.
„Сè што води до ескалација не е нешто што мислиме дека е добра идеја“, рече Сијарто и оцени дека Централна Европа ризикува да биде воведена во конфликтот.
