Пакистанскиот министер за надворешни работи Билавал Буто Зардари денеска изјави дека американскиот амбасадор во таа земја, Доналд Блум, бил поканет во министерството откако американскиот претседател Џозеф Бајден изјавил дека Пакистан можеби е една од најопасните земји во светот бидејќи поседува нуклеарно оружје без каква било кохезија..
Буто Зардари истакна дека е изненаден од изјавата на Бајден и оти смета дека поканата на американскиот амбасадор во министерството нема негативно да се одрази на односите меѓу двете земји.
Во четвртокот, за време на приемот на конгресмените од Демократската партија, Бајден рече дека Пакистан е можеби една од најопасните земји во светот бидејќи има нуклеарно оружје без никаква кохезија.
