Туниската крајбрежна стража извлече тела на 15 мигранти од морето кај брегот на Махди, објави денеска туниската државна новинска агенција.
Властите ќе работат на идентификување на телата, главно на африкански мигранти, додава агенцијата.
Земјите од Магреб, како Тунис, Алжир, Либија, Мавританија и Мароко, со години се сведоци на обиди на мигранти, главно од супсахарска Африка, да стигнат до Европа, надевајќи се на подобар живот.
Додека некои од мигрантите успеваат да стигнат до својата дестинација, други често умираат за време на патувањето.
