Денеска, министерот за надворешни работи, Бујар Османи, ќе оствари официјална посета на Република Туркије, при што ќе се сретне со својот домаќин, Мевлут Чавушоглу, информираат од кабинетот на Османи.
Во фокусот на разговорите ќе бидат билатералните односи и мултилатералната соработка во рамките на НАТО и ОБСЕ, регионалните предизвици, како и последици на руската инфазија на Украина.
Освен со својот домаќин, Османи ќе оствари средба и со претседателот на големото Национално собрание на Турција, Мустафа Шентоп.
На маргините на посетата на Анкара, Османи ќе се сретне и со поранешниот министер за надворешни работи, Хикмет Четин, кому ќе му додели признание по повод 30-годишнината на независноста на Северна Македонија.
