Бројот на загинати во ракетниот напад врз седиштето на регионалната управа во градот Миколајив на југот на Украина се искачи на 12, додека 33 лица се повредени, соопшти денеска итната помош.
„Од под урнатините извлечени се 12 тела, а повредени се 33 лица“, наведе итната служба на „Телеграм“, а пренесува „Гардијан“.
Украинскиот претседател Володимир Зеленски вчера изјави дека седум лица загинале во ракетен напад врз седиштето на регионалната администрација во Миколајив, а 22 лица се повредени.