Руски новинар загина за време на гранатирањето на главниот град на Украина Киев од страна на руските сили. Оксана Баулина известувала од Киев и западниот град Лавов за истражувачката веб-страница The Insider, се вели во соопштението.
Таа почина додека ја снимаше штетата во градскиот кварт Подил. Инаку, Баулина претходно работеше за антикорупциската фондација на руската опозиција Алексеј Навални, а претходно ја напушти Русија.
Минатата година властите ја прогласија фондацијата за нелегална и екстремистичка, поради што многу нејзини вработени избегаа во странство.
Во гранатирањето уште едно лице загина, а двајца се повредени, пишува Инсајдер. Баулина е една од петте новинари за кои се знае дека биле убиени во изминатиот месец од војната.
(фото Оксана Баулина, Фејсбук)
