Владимир Кличко, припадник на украинските сили за територијална одбрана, поранешен боксерски шампион и брат на градоначалникот на Киев, за Си-ен-ен изјави дека руските војници денеска напаѓаат области низ Украина, а нивна главна цел е главниот град Киев.
„Во наредните денови очекуваме значаен напад на главниот град. Тие се прегрупираат. Тие се обидуваат да најдат различни стратегии и се обидуваат да го најдат вистинскиот начин и вистинското време. Значи секој час е важен, а потоа во секој момент очекуваме напад на главниот град, особено, како што реков, во наредните денови. Нивна цел е главниот град“ – рече Кличко.
