Во експлозија на бојлер во фабрика во источна Индија загинаа најмалку шест лица, а исто толку се повредени, соопшти денеска полицијата.
Спасувачите трагаат по работници кои се закопани во урнатините на фабриката, што произведува грицки во индустриска зона 95 километри северно од градот Патна во државата Бихар, објави АП.
Во тек е истрага за причините за експлозијата, изјави претставник на полицијата, додавајќи дека бројот на жртви најверојатно ќе се зголеми бидејќи четворица од повредените се во критична состојба.