Најмалку три лица загинаа, а седум се водат како исчезнати откако се урна зграда на Сицилија, меѓу исчезнатите има и трудници, пишуваат италијанските медиуми.
Спасувачите по експлозијата пронашле тело на маж во урнатините. Потрагата по преживеани е во тек.
🔴 #Ravanusa (AG), crollo palazzina, i #vigilidelfuoco hanno estratto dalle macerie una donna in vita. Proseguono senza sosta le ricerche degli altri dispersi da parte di squadre #usar e cinofili [#12dicembre 02:00] pic.twitter.com/RiJEmYRjpD
— Vigili del Fuoco (@emergenzavvf) December 12, 2021
Досега се спасени две жени, јавува Си-Ен-Ен.
Медиумите во Италија јавуваат дека на уривањето на зградата му претходела експлозија.
L'esplosione a Ravanusa (Agrigento), le prime immagini video del disastro #ANSA pic.twitter.com/aD9gAIyOFi
— Agenzia ANSA (@Agenzia_Ansa) December 11, 2021
Екипите на Брзата помош во текот на ноќта пронашле тело на маж во урнатините и тело на жена наутро, објави противпожарната служба Вигили дел Фуоко на својот официјален профил на Твитер.
Досега се спасени две жени, а италијанските власти соопштија дека зградата се урнала по експлозија предизвикана од големо истекување на гас, која уништила три куќи, а оштетила уште една.
Зоната на експлозија изгледа како воено сценарио: урнатини, скршено стакло, остатоци и остар мирис на горење насекаде. На местото на настанот пристигнаа пожарникари од Агриџенто, Палермо и Катанија, Црвениот крст, Цивилната заштита, полицијата и карабинерите, пишуваат агенциите.
„Активирањето на лифтот можело да ја предизвика експлозијата“, изјави командантот на противпожарната бригада на Агриџенто, Џузепе Мерендино.
„Во следните неколку дена ќе спроведеме подетална истрага“, посочи тој.
Кармело ди Анџело, градоначалникот на Раванузе, на својот Фејсбук профил им порача на граѓаните дека тоа е катастрофа и ги повика сите кои можат да помогнат да се обратат до противпожарната служба.
