28.8 C
Скопје
27. септември 2021
Centar.mk – Вести, бизнис, забава, спорт…
+ Centar Наука Технологија Во тренд...

Научниците истражуваат: Дали социјалните мрежи се закана за човечката цивилизација?

Познато е дека малку луѓе денес живеат без контакт со социјалните мрежи. Токму овој факт или проблем го привлече вниманието на американските научници од Националната академија на науките.

Во елитното списание Зборник на трудови на Националната академија на науките, објавено е интересно истражување врз основа на кое многу граѓани, но и самите научници, добија друг поглед на улогата на социјалните мрежи во идниот развој на нашата цивилизација.

За потребите на истражувањето и пишувањето на неодамна објавената научна работа, се собра разновиден тим на научници од повеќе области, од биологијата, психологијата, неврологијата, но и оние научници кои ги проучуваат климатските промени.

Повик за будење

Сето ова беше доволно вознемирувачко за оние кои ја читаат споменатата работа, па многумина го разбраа овој документ како повик за будење или апел да направат нешто.
Негативната страна на социјалните мрежи беше нагласена и во контекст на сè почестите протекувања на лажни вести кои неуморно се шират низ интернет-светот.
Еден од авторите на оваа студија е истражувачо тЏозеф Бак-Колман кој е вработен на Универзитетот во Вашингтон. Во интервју за американскиот портал Вокс, тој потенцираше која е целта на ова истражување.

Тој верува дека основното прашање за кое истражувачите барале одговори е „Што може да го наруши правецот и воспоставените трендови во нашето општество?“ и „што знаеме за сложените системи?“. Како пример, тој го наведе фактот дека користиме глувци и муви за да ја разбереме невронауката.
Неговата цел е да ги разгледа сложените системи од друга перспектива и да го искористи овој пристап, исто така, да ги разгледа процесите во човечкото општество.

Една од работите во врска со сложените системи е тоа што тие имаат општо нарушување на воспоставениот поредок.

Комплексни системи

Ако премногу ги вознемириш, тие се менуваат. И, тие честопати имаат тенденција тоа да биде катастрофално, неочекувано или едноставно да пропаднат без предупредување.
Социјалните мрежи го нарушија протокот на сигурни информации за здравјето, климата и многу други важни теми. Покрај тоа, се потенцираат некои позитивни работи што ги носи употребата на Интернетот.

„Демократизацијата на информациите имаше длабоки ефекти, особено за маргинализираните, недоволно застапени заедници“, изјави Бек-Колман за Вокс.
Тој додаде дека сето ова „им даде можност на овие групи да се соберат на Интернет, да имаат платформа и да го пронајдат својот глас“. Бак-Колман смета дека овој факт е фантастичен, но истовремено предупредува и на други негативни работи, како што се „геноцидот врз муслиманите Рохинџа“ и „побуната во Капитол“, според американскиот истражувач.

Можеби ќе ве интересира

Кремељ: Путин нема профили на социјалните мрежи

M T

Некои соништа секогаш ни се враќаат – Еве и зошто

M T

Момче натепа девојка во Куманово

M T