Поранешниот личен лекар на тројцата американски претседатели, Рони Џексон, е сериозно загрижен поради однесувањето на американскиот претседател Џо Бајден.
„Работев како лекар во Белата куќа за тројца претседатели. Видов што е потребно физички и психички за да се заврши работата. Во моментов можам да ви кажам дека начинот на кој Бајден се крие од јавноста е големо црвено знаме. Нешто не е во ред“, напиша тој на „Твитер“.
Здравјето на американскиот претседател е тема уште од почетокот на изборната кампања, а тоа е особено актуелно по бројните пропусти во изминатите неколку недели и неодамнешниот пад на американскиот претседател.
