Тројца припадници на ирачките Сили за народна мобилизација (ПМФ), поддржани од Иран, вчера беа убиени, а други петмина беа ранети во судирите со борците на ИСИС во североисточниот регион Дијала, пренесува „Мидл Ист ај“.
Групата преку соопштение објави дека борците од нивната 28. бригада се судриле со борци на ИСИС во Дијала и ги принудиле на бегство додавајќи дека за време на судирите тројца нејзини борци биле убиени, а други петмина биле ранети. Повеќе детали не се дадени.
Во меѓувреме, ирачки безбедносен извор рече дека двајца борци на ПМФ загинале, а други четворица биле ранети во сличен напад во покраината еден ден претходно.
Силите за популарна мобилизација се чадор-група за голем број милиции поддржани од Иран, кои се состојат претежно од шиитски групи. Во 2016 година нејзините борци беа вклучени во ирачката армија. Во 2017 година Ирак прогласи победа над ИСИС, но ќелии во мирување постојат во целата земја.
