Епидемиологот Мирослав Венус, претседател на Хрватското епидемиолошко друштво, за хрватските медиуми изјави дека веќе нема вакцини во Вировитичко-подравската жупанија.
Тој смета дека треба да се размисли за одложување на втората доза на вакцината објаснувајќи дека тоа се однесува на вакцината на „Фајзер“, а веројатно и на вакцината на „Модерна“, најмногу поради недостигот.
„Процентот на заштита по првата доза е многу висок, затоа многу светски влади размислуваат за одложување на втората доза уште повеќе“, рече Венус за загрепската телевизија „Н1“.