Портпаролот на Кремљ, Дмитриј Песков, ги објасни денешните промени во руската влада и разрешувањето на министрите со ротирање на должностите.
На новинарско прашање дали смената на министрите се должи на неисполнување на упатствата на шефот на државата, претставникот на Кремљ ја отфрли таквата врска, пренесува ТАСС.
„Ова е ротација на должностите, процес на ротација“, рече Песков.
Коментирајќи ги извештаите во медиумите за неуспехот на некои министерства да ги исполнат наредбите на претседателот, Песков истакна дека спроведувањето на наредбите на претседателот внимателно го следат самата влада и одделот за контрола на претседателството.
Претседателот Владимир Путин денес изврши голема реконструкција на владата по нејзиното назначување кое беше во јануари. Пет министри ги напуштаат своите места одеднаш, а државната Дума, долниот дом на парламентот, сè уште нема одобрено кандидати за нивна замена според новиот закон.
Александар Новак, кој е на чело на Министерството за енергетика од 2012 година, може да стане десеттиот заменик на премиерот Михаил Мишустин. Денес, Путин потпиша указ со кој се утврдува назначување друг заменик-премиер.
