Претседателот на Азербејџан објави дека трупите на неговата земја ослободиле уште 23 села од ерменската окупација, пренесува „Анадолија“.
Азербејџанската армија ослободи пет града, три гратчиња и речиси 240 села, како и некои стратешки ридови од окупацијата на ерменските сили, по операцијата што почна во регионот Нагорно-Карабах на 27 септември.
Односите меѓу двете поранешни советски републики за Нагорно-Карабах остануваат напнати од 1991 година, но на 27 септември почнаа нови судири. Оттогаш Ерменија повеќепати напаѓаше азербејџански цивили и сили, дури прекрши три хуманитарни договори за прекин на огнот.
Речиси 20 отсто од територијата на Азербејџан – вклучувајќи го и Нагорно-Карабах и седум соседни региони – е под ерменска окупација речиси три децении.
Додека светските сили повикуваат на одржлив прекин на огнот, Турција го поддржа правото на Баку на самоодбрана и побара повлекување на окупаторските сили на Ерменија. Повеќе резолуции на ОН исто така повикуваат на безусловно повлекување на силите на напаѓачот.
