Под влијание на циклонска активност доцна попладнево почнувајќи од западните делови ќе започнат врнежи од дожд, кои во текот на ноќта ќе се интензивираат и ќе се прошират во останатите подрачја.
На места врнежите ќе бидат поројни со поголем интензитет за кратко време и проследени со грмежи.
Пообилни врнежите ќе бидат во северозападните делови (над 30 л/м2).
Врнежите ќе продолжат и утре, особено во источните делови каде на места ќе бидат поројни и проследени со грмежи.
Овие два дена ќе дува умерен до засилен јужен ветер.
Од сабота следува период на стабилно време, освен во недела во западните делови каде е можен слаб локален дожд. Ноќите ќе бидат студени, а дневната температура до понеделник ќе биде во опаѓање, а потоа ќе расте.
Прогноза за 17.10.2020
Минимална температура: 5°C до 11°C
Максимална температура: 16°С до 24°C
Сончево со мала до умерена облачност. Ќе дува слаб до умерен ветер од западен правец, кој во западните делови на места ќе засилува.
Прогноза за 18.10.2020
Минимална температура: 2°C до 9°C
Максимална температура: 14°C до 21°C
Сончево со мала до умерена облачност. Во западните делови облачноста повремено ќе се зголемува и ќе има услови за локален краткотраен дожд. Ќе дува слаб до умерен, а вдолж Повардарието повремено засилен ветер од северозападен правец.
Прогноза за 19.10.2020
Минимална температура: 1°C до 9°C
Максимална температура: 13°C до 19°C
Сончево со мала локална облачност. Ќе дува слаб до умерен ветер од северен правец, особено изразен вдолж Повардарието.
