Полицијата и група мигранти се судрија во бегалскиот камп на грчкиот остров Самос, поради што локалните власти донеле одлука да се затворат блиското основно училиште и градинката.
Судирите избиле кога околу 200 луѓе почнале протести поради условите во драматично преполнетиот камп, барајќи да им се дозволи да го напуштат овој остров во источна Грција.
Демонстрантите фрлале камења и други предмети врз полицијата, која одговорила со солзавец и шок-бомби.
Кампот кај Самос, кој е изграден за да прими 648 лица, во моментов има 7.497 мигранти./Makfax
