Министерот за надворешни работи на Русија, Сергеј Лавров, им се „заблагодари“ на Соединетите Држави за издавањето на неговата виза за присуство на 74. седница на Генералното собрание на Обединетите нации во Њујорк.
„Среќен сум што имав можност да се сретнеме во Њујорк. Среќен сум што добив американска виза на крајот, за разлика од членовите на мојата делегација“, рече Лавров на почетокот на трилатералната средба за Сирија на маргините на Генералното собрание на ООН.
Претседателот на Комитетот за меѓународни односи на Советот на Руската Федерација, Константин Косачев, претходно изјави за ТАС С дека 10 члена на руската делегација, вклучително и самиот тој, не добиле визи за Соединетите Dржави и затоа не можат да учествуваат во Генералното собрание на ООН.
Обединетите нации ја проверуваат состојбата со неиздавање визи на САД на руската делегација, а канцеларијата на генералниот секретар потсети дека Соединетите Држави, како земја домаќин на Обединетите нации, се должни да им издаваат визи на претставниците на државите за да присуствуваат на состаноците во светската организација.
