Воен персонал од Турција почна со обука во Русија за ракување со ракетните системи С-400, соопшти турското Министерство за национална одбрана.
„Припадници на Воено воздухопловните сили почнаа со обука во Гачина за управување со противракетни системи за одбрана С-400“, објави Министерството.
Обуката на турскиот персонал ќе трае до 2 јануари 2020 година.
На 27 август Русија почна со испорака на втората транша С-400 во Турција која ќе заврши до крајот на септември.