Вчера аргентинскиот претседател Маурисио Макри објави дека ќе ги зголеми субвенциите во областа на социјалната заштита и ќе ги намали даноците на приход на работниците, како дел од пакет-мерките наменети за ублажување на ефектите од економската криза во земјата.
Цените на бензинот ќе бидат замрзнати 90 дена како дел од најавениот пакет-мерки.
Претседателот на Аргентина, исто така, рече дека е свесен за финансиските тешкотии со кои се соочуваат граѓаните додека „се фаќаат во костец“ со рецесијата и стапката на инфлација од дури 55 проценти.