Полицискиот оддел во Конектикат се обидува со нови методи да ги натера криминалците по кои се трага, сами да се предадат на полицијата. Полицискиот оддел во градот Торингтон објави две потерници за бегалци на Фејсбук и тврди дека склучиле договор со Хозе Симс, кој е на една од фотографиите. Ако објавата добие 15.000 лајка, според полицијата, Симс кој е во бегство сам ќе се пријави во полиција.
https://www.facebook.com/TorringtonPD/posts/2188826954506060
Во објавата на полицијата на фесбук исто така се наведува дека оние коишто имаат информации и сознанија исто така можат и телефонски да се јават и да пријават каде се двајцата бегалци во полиција.
Реакциите на оваа идеја на полицијата се различни – некои ја одобруваат, други ја критикуваат. Многумина прашуваат дали станува збор за шега. На фејсбук од полициската станица одговорија дека не станува збор за шега.
Оваа објава досега има 17.000 лајка и очекуватаа се дека бегалецот наскоро би можел сам да и се предаде на полицијата. Симс е обвинет за ризик од повреда на дете, прекршување на мир, лажен инцидент, повреда на наредба за заштита, злоупотреба на бројот за итна помош 911 и за лажна изјава.
