До 14 март годинава кога и официјално заврши увидот во Избирачкиот список по повод претседателските и предвремените избори за градоначалници на општините Охрид, Ново Село и Дебар кои ќе се одржат на 21 април, проверка на податоците извршиле 53.972 граѓани, соопшти Државната изборна комисија (ДИК).
За 517 лица е донесено решение за запишување во Избирачкиот список, за 412 е донесено решение за бришење, а промена на податоците во Списокот е направена за 129 лица. Еден граѓанин со поништено живеалиште направил увид во Избиеачкиот список.
Јавниот увид во Избирачкиот список се спроведуваше од 23 февруари до 14 март. Според ДИК, увидот поминал без никакви проблеми во редовна постапка согласно насоките и упатствата претходно дадени од страна на Државната изборна комисија.
