Бројот на загинати во осумкатницата што се урна во Истанбул порасна на 10, додека 13 луѓе со повреди се извлечени од урнатините, соопштија властите. Меѓу нив е и петгодишно девојче, кое е спасено 18 часа по уривањето на зградата.
Во текот на ноќта спасено е и едно деветгодишно дете. Зградата со 14 станови во кои живееле 43 лица се урна во средата, а причина за уривањето е предмет на истрага. Властите велат дека последните три ката биле нелегално изградени.
