Хакери успеале да хакираат дипломатска комуникации меѓу дипломати на Европската Унија, објави „Њујорк тајмс“. Како што се наведува, дипломатската комуникација била пресретнувана неколку години.
Дека составот на комуникации на дипломатите е компромитиран, открила фирмата за сајбер-безбедност „Ареа 1“. Методата што била користена од хакерите е слична на онаа што претходно ја користела кинеската војска, отркил експерт во истрагата.
„По десетгодишно искуство и средби со кинески сајбер-операции, нема сомнеж дека оваа кампања е поврзана со кинеската влада“, рекол експертот.
Европските службеници порачуваат дека не се хакирани пораките и разговорите што се класифицирани како тајни, односно доверливи. Тие додале дека составот бил пробиен пред три години. Една од пораките што ја пресретнале се однесуваат на состанокот на Трамп и Путин. Во пораката еден од дипломатите на друг дипломат му јавува дека состанокот бил успешен, барем за Путин.
Во другата порака се разменуваат детали од приватен состанок меѓу кинескиот претседател Шји Џјинпинг и функционер на ЕУ, до која дошле оваа година. Еден функционер го цитира Шји како зборува дека Кина нема да биде малтретирана од страна на Вашингтон, па дури и ако трговската војна им наштети на сите.
„Њујорк тајмс“ додава дека се хакирани и многубројни други институции, вклучително и ОН, како и дека за тоа се известени.