Коментирајќи го планот на Вашингтон за прекин на придржувањето до Договорот за нуклеарни сили со среден дострел (ИНФ) за 60 дена, објавен од државниот секретар Мајк Помпео, рускиот министер за надворешни работи, Сергеј Лавров, истакна дека Москва никогаш не добила документи од САД во врска со наводните прекршувања на договорот, уште еднаш истакнувајќи дека обвинувањата на Вашингтон против Русија се неосновани.
Според Лавров, ракетниот систем „9M729“, кој ја поттикна загриженоста на американската страна, беше тестиран од руската војска во дометот дозволен со ИНФ. Тој изјави дека Москва предложила да се дискутира за ова прашање во советот НАТО-Русија, но САД ја блокираа иницијативата.
Дипломат исто така изјави дека ситуацијата во рамките на ОБСЕ е напната истакнувајќи дека некои членки на организацијата го зголемуваат своето воено присуство во близина на нивните граници со Русија.
„Гледаме дека нашите колеги од НАТО следат курс за одвраќање на Русија, дека ја зголемуваат својата воена активност во близина на нашите граници и создаваат воена инфраструктура на источниот фронт, како што го нарекуваат. Наместо да се одлучат за дипломатијата, тие неосновано обвинуваат, што не го олеснува дијалогот. Подобро разбирање за заемните проблеми може да се постигне само преку дијалог“, рече Лавров на брифингот.
