Исламскиот клерик Маулана Самиул Хак, во Пакистан познат татко на талибанците, е убиен со нож во неговата куќа во Равалпинди, изјавил син му Хамидул Хак.
Портпаролот на убиениот клерик, Јусеф Шах, изјавил дека идентитетот на напаѓачот и неговиот мотив за убиството сè уште не се познати, пренесе АП.
Хак бил познат како водач на фракција на пакистанските талибанци со име „Исламска партија Џамијет-е-улема“. Тој во близина на границата со Авганистан формирал познат семинар „Хакани“, каде што биле образовани десетина авганистански лидери.
Полицијата спроведе истрага за убиството.
