Турција ќе ги преземе сите неопходни мерки ако биде донесена одлука во спротивност со нејзините права и интереси во Егејското Море, изјави министерот за одбрана, Хулуси Акар, пренесе новинската агенција „Анадолија“.
„Ние поддржуваме решавање на прашањата по мирен пат и преку преговори, без конфликти“, рече министерот за агенцијата.
Новите тензии меѓу двете земји ги разгореа изјавите на поранешниот шеф на грчката дипломатија, Никос Коѕијас, и актуелниот министер за надворешни работи и премиер на Грција, Алексис Ципрас, за проширувањето на грчките територијални води.
