Лабораториските тестирања потврдија дека двојката во британскиот град Ејмсбери била изложена на нервниот гас новичок, соопшти Организацијата за забрана на хемиско оружје.
Од организацијата е соопштено дека анализа од примерокот што го земал нивниот тим се потврдуваат наодите на Велика Британија во врска со идентитетот на токсичната хемикалија, пренесе „Ројтерс“.
Дон Старџес почина откако таа и нејзиниот партнер биле изложени на отров во близина на Солзбери, каде во март со истиот агенс беа отруени рускиот двоен агент Сергеј Скрипал и неговата ќерка Јулија.
Британија ја обвини Русија дека стои зад труењето на Скрипалови, што Москва го негира и ги отфрли наводите за каква било вмешаност.
