Единаесетгодишник со мотоцикл удрил во автобус во скопското село Дељадровце. Момчето со тешки повреди било пренесено во болница, каде што му била укажана лекарска помош.
Според информациите на МВР, несреќата се случила вчера околу 15.30 часот помеѓу мотоцикл „хамачи“, без регистарски ознаки, управуван од 11-годишник од село Дељадровци, и автобус „лаз“ со скопски регистарски ознаки, кој сообраќал на линијата бр. 66, управуван од М.Б. (48) од село Дељадровци. Малолетникот добил тешки телесни повреди и бил пренесен во Градската општа болница „Св. Наум Охридски“ во Скопје, каде што му била укажана лекарска помош.
Увид на местото на настанот извршила екипа од СВР Скопје.
