До петок ќе преовладува сончево и топло време, во попладневните часови со локален пороен дожд и грмежи, особено во планинските делови, информира УХМР.
За време на викендот на повеќе места ќе има пороен дожд и грмежи, а ќе дува и умерен до засилен северен ветер кој ќе предизвика опаѓање на температурите за неколку степени.
Денеска ќе биде претежно сончево со слаб до умерен ветер од променлив правец.
Попладне во северните и западните делови ќе има локален пороен дожд и грмежи, особено во планинските подрачја.
Максималната температура ќе биде во интервал од 26 до 34 степени. Вредноста на УВ-индексот ќе биде 8.
