Владата денеска ја усвои декларацијата за признавање на возачките дозволи меѓу Македонија и Германија. Ова е последен чекор пред договорот да биде потпишан меѓу двете земји и одлуката да стапи на сила.
„Ова претставува последна фаза пред потпишување на Декларацијата од страна на двајцата министри, со што таа и официјално би стапила на сила. Возачките дозволи ќе им бидат признаени на полнолетни лица со важечка возачка дозвола, издадена од надлежните органи во Македонија и во Германија и кои имаат законски престој на македонска територија (најмалку 180 дена во една календарска година) или на територијата на Германија (најмалку 185 дена во годината)“, соопштија од македонската Влада.