Генералниот секретар на НАТО, Јенс Столтенбег му ја честита на турскиот претседател, Реџеп Тајип Ердоган победата на изборите во земјата.
„Му честитам на Ердоган за неговиот реизбор. Го поздравувам и турскиот народ за високата излезност на изборите“, изјави Столтенберг пред средбата со министрите за одбрана на ЕУ, во Луксембург.
Тој истакна дека Турција е важна за НАТО.
„Турција е клучен сојузник во НАТО од многу причини. Не само затоа што се граничи со Русија во Црното море, туку и со Ирак и Сирија на југ. Турција е важна во борбата против „Исламска држава“ и против тероризмот“, дополни Столтенберг.