Стотици Грци вчера протестирале во Солун против договорот за името со Македонија. Учесниците носеле транспаренти на кои пишувало „Политичарите се предавници“. „Франс прес“ наведува дека на протестот имало околу 4 000 луѓе.
Дел од учесниците ја нападнале локалната канцеларија на владејачката коалиција СИРИЗА-АНЕЛ. Грчките медиуми пренесуваат дека полицијата ги растерала демонстрантите со солзавец.
Македонија и Грција на 17 јуни потпишаа договор за промена на името на Македонија во Северна Македонија. И во двете држави оттогаш се одржуваат протести на кои бараат од властите да се откажат од договорот.