Претседателот на Собраието, Талат Џафери од свое име и од името на пратениците во Собранието упати честитка по повод 24-ти мај, Денот на сесловенските просветители, светите браќа Кирил и Методиј.
„Овој државен празник со кој им оддаваме почит на основачите на првата словенска азбука, зазема значајно место во историјата како на македонскиот така и на словенските народи. Нивните дела и нивната работа се издигнува над самите нив како учители затоа што биле тие биле водени од многу повисоки идеали. Преку описменувањето и просветувањето, на народот му помогнале да прогледа и му дале орудие за издигнување над времето. Мисијата на браќата Кирил и Методиј и нивните заложби не потсетуваат дека стремежот на човекот и на човештвото опстојува низ историјата и ја менува само формата но не и суштината затоа што нивната вистинска борба е за универзални основни човекови права“, се вели во честитката на Џафери.
