Серенби е екокомуна скриена меѓу 400 хектари шумска површина јужно од Атланта во САД. Заедницата била создадена пред петнаесет години според дизајнот на архитектот Филип Таба и идеите на брачниот пар Најџрин, кој живее таму.
Основна идеја на комуната е живот без стрес, односно според принципите по кои живееле нашите предци. Членовите живеат во хармонија со природата. Јадат исклучиво органска храна одгледувана на локалните фарми, а на располагање имаат и три гурмански ресторани.
Домовите ги ладат и загреаваат со геотермални топлински пумпи, а големо внимание посветуваат и на своето здравје и физичка активност. Жителите на Серенби работат во своите градини, јаваат на коњи и одат пеш секогаш кога ќе им се укаже шанса за тоа.
Заедницата исто така присвојува и некои нови содржина за кои има голем интерес кај жителите како, на пример, јога и пилатес, а на располагање е и голем заеднички базен.
