Рускиот претседател Владимир Путин денес е во Анкара, каде се состанува со претседателот на Турција Реџеп Тајип Ердоган.
За рускиот претседател во главниот град на Турција е приреден величенствен дочек. На улица се извадени коњаници, а тука била и неизбежната почесна гарда која била построена пред двајцата претседатели.
Една од главните теми е разговорот за продажба на руските системи за противракетна одбрана С-400 на Турција поради што Вашингтон на Анкара и се заканува со санкции.
Путин престојува во Анкара во рамки на својата прва посета на некоја земја откако повторно е избран за претседател на изборите 18 март.