Повеќе од три месеци десетина македонски патриоти лежат без никаков основ во затворите. Пратеници, режисери, доктори, архитекти, полициски службеници и истакнати граѓани се соочуваат со апсурдни обвиненија за тероризам. Ова е класичен монтиран прогон без почитување на елементарните човекови права, велат од ВМРО-ДПМНЕ.
„Африканизацијата на судството итно треба да запре. Апсурден и неправеден е притворот за Чавков, Дамовски, Илиевски, Јовановски, Муковски и другите. Правосудните органи мора да почнат да дејствуваат според законите и Уставот на Република Македонија, а не мотивирани од стравот и наредбите од власта на СДСМ. Македонија е единствената земја во Европа каде што интелектуалци, актери режисери и доктори се обвинети за теророризам. Во моментот Република Македонија е држава со најмногу терористи на жител во светот“, велат од ВМРО-ДПМНЕ.
Ова дело, велат од партијата, е класичен монтиран процес кој е воден од власта чија цел е да ги замолчи сите оние што не се согласуваат со политиките на СДСМ и Зоран Заев.