За бегството се подготвувале неколку дена. Двете момчиња од Русија на возраст од пет години зеле пластични лопатки и копале тунел под оградата додека никој не ги гледал. Им требале неколку дена, а кога отворот бил доволно широк, погледнале последен пат околу себе и се извлекле на „слобода“. Целта им била да купат спортски автомобил.
Исползиле на улица и весело испешачиле 1,5 километри до автосалонот за луксузни возила во градот Магнитогорск. На слобода не биле долго. Ги здогледала жена која со автомобил поминувала покрај нив, запрела и ги прашала каде одат. Рекле дека побегнале од градинка и тргнале да купат Јагуар, но дека немаат доволно пари.
Ги ставила двајцата во автомобил и отишла во полиција. Дека децата ги нема, во градинката забележале после половина час.
Родителите на децата не ги пријавиле вработените во градинката, а како поминале малите авантуристи, никој не знае, пишува Гардијан.
