– Не му поминуват лагите на Мицкоски затоа што се знае, еве да го повикаме ние струмичани и да дојде тука. Кај нас викаат од кај ти е жената од таму ти е родата, да дојде да се прошета во Струмица, да го види предавникот Заев кој што се откажал од егејците, бежанците, да оди во бежанскиот парк да го види споменикот, порача премиерот Зоран Заев вечерва од Струмица, соопштувајќи дека во негово време е изграден и споменикот на Цар Самоил и споменикот на Борис Трајковски.
-Вистински патриот е тој кој што си ја почитува својата историја, си ја вреднува, си ја чува и гледа напред, ја користи за во иднината, затоа што нема поважно од иднината на нашата земја.
Ако сме вистински патриоти ако си ги сакаме своите деца и млади, ако водиме грижа за нашата земја, нема да дозволиме земјата наша да скршне од правиот пат. Доста ни беа сокаци, и криви патишта, вели Заев.
НАЈЧИТАНО НА ИНТЕРНЕТ...
