Во грчкиот регион Теспротија, полицијата заплени повеќе од 100 килограми канабис и уапси две лица, еден Грк и еден Албанец.
Теспротија е близу до границата со Албанија, а полицијата во петокот при рутинска контрола на возило пронајде 99 пакети канабис со тежина од околу 102 килограми.
Според „Катимерини“, уапсени се 40-годишен Грк и 36-годишен граѓанин на Албанија кои се обвинети за шверц со дрога.
Албанецот се соочува со други обвиненија поради нелегален влез во земјата, бидејќи претходно му бил забранет влез во Грција.