ВМРО-ДПМНЕ во очај поднесува кривична пријава за непостоечко дело, нешто што нема никаква врска со реалноста ниту пак со некакви кривични дела, реагира СДСМ на пријавите што опозициската ВМРО-ДПМНЕ ги поднесе против премиерот Зоран Заев, министерот Никола Димитров, претседателот на Собранието, Талат Џафери, и против сите пратеници кои гласаа за законот за ратификација на договорот со Грција.
„Неоснована пријава на ВМРО-ДПМНЕ не е само лажно пријавување, туку е и показател дека се уште би сакале да го злоупотребуваат судството како што го злоупотребуваа 11 години наназад. Вакви провидни очајни чекори покажуваат дека ВМРО-ДПМНЕ нема аргументи. Нема параван за невистините на ВМРО-ДПМНЕ“, се вели во реакцијата.
Од штетното делување на ВМРО-ДПМНЕ и Ѓорге Иванов, велат од СДСМ, насочено против македонската иднина, против членство во НАТО и ЕУ и против зајакнувањето на македонскиот идентитет и посебност нема поголемо велепредавство.
