Во еден од бизарните потези во последниве неколку години, владата на Уганда изгласа нов закон според кој ќе го оданочува користењето социјални мрежи и апликации за четување.
Парламентот на Уганда неодамна изгласа воведување на контроверзен данок на социјални мрежи, а се однесува на сите кои користат социјални мрежи и апликации за допишување како Whatsapp, Facebook или Twitter.
Претседателот на Уганда Јовери Мусевени е еден од најгласните заговорници на овој нов данок и цврсто е убеден дека социјалните медиуми заговараат озборување, известува Би-Би-Си.
Новиот закон стапува на сила на 1 јуни, но никому не му е јасно на кој начин владата ќе ги следи граѓаните и како ќе им го наметне овој данок.
Постои и шанса во целата работа да има и политички мотиви, со оглед на тоа што претседателот Мусевени го запрел пристапот до социјалните мрежи пред претседателските избори 2016 година.