Американскиот претседател Џо Бајден остро го осуди ракетниот напад утринава врз железничката станица Краматорск, во кој загинаа 50 цивили.
– Нападот на украинската железничка станица е уште еден ужасен масакр што го извршија Русите. Тие ги нападнаа цивилите кои се обидуваа да се евакуираат и да стигнат на безбедно – рече Бајден.
Бајден додаде дека САД ќе продолжат да снабдуваат оружје за да им помогнат на Украинците да ја одбранат својата земја.
„И, заедно со нашите сојузници и партнери, ќе ги поддржиме напорите за истрага на овој напад додека ги документираме руските акции и ги повикуваме на одговорност“, додаде Бајден.
The attack on a Ukrainian train station is yet another horrific atrocity committed by Russia, striking civilians who were trying to evacuate and reach safety.
— President Biden (@POTUS) April 8, 2022