Хрватската влада на 9 ноември донесе нови уредби со кои се намалуваат максималните малопродажни цени на горивата. Од вторник, 10 ноември, бензинот ќе чини најмногу 1,61 евро за литар, што претставува намалување од осум евроценти. Дизелот ќе се продава по најмногу 1,85 евра, односно четири евроценти помалку од претходната цена.
Се намалува и цената на таканаречениот син дизел, на 1,38 евра за литар, додека течниот нафтен гас во боци ќе чини 2,39 евра за килограм. Новиот режим ќе важи седум дена. Владата го продолжува регулирањето на цените преку ограничување на трговските премии и утврдување на соодветните акцизни правила.
