Во Србија на 9 ноември беа врачени првите договори на родители-негуватели, со кои се остварува право на месечен надоместок од 65.000 српски динари. Според соопштението на српската влада, новиот систем вклучува уплата на придонеси за здравствено, пензиско и инвалидско осигурување, со што на корисниците им се признава и работен стаж.
Законот започна да се применува на 1 октомври 2026 година, а исплатите треба да започнат во наредните денови. На родителите што не присуствувале на доделувањето договорите ќе им бидат доставени преку надлежните центри за социјална работа. Правото се признава од датумот на поднесување на барањето, доколку тогаш биле исполнети законските услови.
